Wednesday, 11 November 2020 09:27

Katawhan gipasidan-an di magkompiyansa batok Covid-19 bisan anaa sa balay

Written by CDO COVID19 Response Team
SUBLING gipahinumduman ni city epidemiologist Dr. Teodulfo Joselito Retuya ang katawhan nga dili mag-kompiyansa ug kanunay magmatngon sa pagtuman sa minimum public health standards bisan og anaa sa ilang kaugalingong panimalay.
 
Sigun pa ni Dr. Retuya sa milabay'ng mga adlaw adunay 34 ka reported cases sa coronavirus disease (COVID19) sa syudad, ug 25 ka tawo o’ household contacts ang adunay 'exposure' sa mga nagpositibo sa virus.
 
Nagtuo si Dr. Retuya nga sulod sa panimalay sagad kompiyansa na ang matag miyembro ug makalimtan na ang pagsunod sa health protocols, sama sa pagsul-ob og facemask ug physical distancing.
 
Sa pagkakaron, matod pa ni Dr. Lorraine Nery, acting city health officer, nga adunay lima ka mga city isolation units ang gigahin alang sa pag-isolate sa mga close contacts sa previous cases aron mapugngan o mamenusan ang pagkatag pa sa virus.