Friday, 06 November 2020 14:53

Dry run sa ‘Higala App’ ilusad sa city hall karong lunes

Written by CDO COVID19 Response Team

USA ka dry run ang ipahigayon karong Lunes, Nobyembre 9 alayon sa paggamit sa ‘Higala App’ sa tanang mga kawani sa city hall.

Tungod niini, giaghat ni acting city administrator Teddy Sabuga-a Jr. ang tanang mga kawani sa syudad nga magparehistro sa ‘Higala App’ aron maka-imprinta sa QR code ug gamiton uban sa nametag.

Ang QR code scanning ipahigayon sa mga personahe sa Civil Security Unit ug safety officers sa dili pa mosulod sa city hall, lakip mga satellite offices, tanang buhatan ug departamento sa city hall.

Gilusad ang 'Higala App' sa tuyo nga mahimong paspas ug mas epektibo ang contact tracing measures dinhi sa dakbayan, ug usab makalikay ang matag indibidwal sa paggunit sa papel ug ballpen kung magsulat sa contact tracing forms tungod kay posible kining mataptan sa virus.