Friday, 06 November 2020 14:20

Katawhan gidaseg magparehistro sa ‘Higala App’

Written by CDO COVID19 Response Team

PADAYON ang kampanya sa lokal nga kagamhanan alang sa pagrehistro ug paggamit sa 'Higala App' nga gilusad sa tuyo nga mahimong paspas ug mas epektibo ang contact tracing measures dinhi sa dakbayan.

Pinaagi sa maong cellphone application, mahimong ma-contact trace ang mga indibidwal kinsa mibisita, mipalit o mikaon sa lain-laing mga lugar hilabina sa mga establisemento.

Tumong usab sa pagpatuman sa maong application nga makalikay ang matag indibidwal sa paggunit sa papel ug ballpen kung magsulat sa contact tracing forms kay kini posibleng adunay 'fomites'.

Gihingusgan karon sa syudad nga mogamit ang katawhan sa Higala App aron dali nga mailhan ang mga close contacts sa Covid-19 positive patients. (SPP)

LINK:
https://higala.cagayandeoro.gov.ph/