Tuesday, 03 November 2020 09:47

INTENSIFYING HEALTH SAFETY PROTOCOLS @ CITY HALL

Written by Nica Borja

Sa tinguha nga mahingusgan ang pagpatuman sa mga health safety protocols, nagpatawag ang Human Resource Management Office og tigum alang sa mga administrative officers ug safety officers sa nagkadaiyang buhatan sa city hall, Oktubre 29 - 30, pinaagi sa Zoom.

Lakip sa gihisgutan ang sitwasyon sa city hall ug ang mga lakang sa pagpugong sa pagkuyanap sa COVID-19, ug ang process flow sa Incident Management Team ug Health Emergency Management staff.

Ang maong tigum gisundan sa COVID-19 risk assessment, uban sa usa ka orientation kalabot sa contact tracing diin ang resource speaker mao si medical officer Dr. Ted Yu Jr. sa City Health Office.