Wednesday, 18 March 2020 10:23

50 ka disinfection teams gi-deploy palibot sa syudad

Written by

DILI momenos sa 50 ka teams ang gi-deploy karon sa kagamhanan ning syudad aron paghimo og disinfection batok corona virus disease kon COVID-19 sa tibook syudad.

Si Acting City Administrator Teddy Sabuga-a mibutyag nga prayoridad sa disinfection ang mga simbahan, moske, city hall, tunghaan ug mga pampublikong lugar.

Kagahapon, ang City Disinfection Teams mihimo’g disinfection diha sa moske sa Aguinaldo Street, Eco Church sa Kauswagan, Sanctuario Eucaristico sa RER subdivision, Mt. Carmel Church sa Carmen, Immaculate Church ug Iglesia Filipina Independiente sa Bulua, ug rehiyonal nga buhatan sa Department of Social Welfare and Dev’t Office.

Samtang nagpahimangno si Sabuga-a sa publiko nga magbantay sa mga indibidwal nga nagpatuong mga miyembro sa City Disinfection Team kinsa mag-disinfect kunohay sa mga kabalayan, apan mangawat diay ang tuyo.

Sigun pa ni Sabuga-a mahibaloan ang mga miyembro sa disinfection teams sa syudad tungod kay magsul-ob kini og city hall ID, ug magamit og sakyanan sa gobyerno diin adunay tarpaulin nga nakabitay.

 

  

 

 

(By Ian Fuentes / photos by Jay Arancon)