Wednesday, 21 July 2021 11:32

Secretary Duque nakadayeg sa gihimong mga lakang sa CDO-LGU kontra Covid-19

Written by
GIDAYEG ni Secretary Francisco Duque III sa Department of Health ang mga pamaagi ug paningkamot sa administrasyon ni Mayor Oscar Moreno sa pagpugong nga mokaylap ang pagpanakod sa COVID 19 virus gikan pa sa nilabay’ng tuig pinaagi sa early detection ug isolation lakip treatment niini.
 
Matud ni Duque naatiman gilayon sa CDO-LGU ang mga kaso ug nalikayan ang early surge bisan pa man nga wala pa nakaangkon og RT PCR machines ang syudad sa nilabay’ng tuig.
Apan hugot ang pasidaan ni Sec. Duque nga posibleng makasinati ang Cagayan de Oro lakip ang Misamis Oriental o tibuok rehiyon 10 sa surge sa mga kaso ilabina nga aduna nay kaso sa Delta variant nga nakita.
“I convey strong reminders, let us assume that local transmission is already happening. Active case finding, epidemiological surveillance, early detection and SARI symptoms must be observed,” saysay ni Duque atol sa ilang pagbisita sa Cagayan de Oro adlaw’ng Lunes.
 
Nakita usab ni Secretary Duque nga tungod sa critical care utilization rate sa Cagayan de Oro nga anaa pa sa kapin 50%, mahimo pa niining madugangan ang isolation beds agig pagpangandam.
 
Gani man, giawhag niini nga ipadayon sa CDO-LGU ang whole of government, system and society approach nga una nang gisugdan ni Mayor Moreno sa pag-atubang ug pagtubag sa COVID 19 pandemic. (ACM/CIO)
May be an image of 2 people and indoorMay be an image of 4 people, people standing and indoor