Monday, 19 July 2021 11:28

LOOK: COVID wards sa JRBGH matibawas na

Written by
LAUMANG matibawas na sa dili madugay ang dugang wards sa JR Borja General Hospital nga gitagana alang sa mga COVID 19 patients ning syudad.
 
Kini agi’g tubag sa administrasyon ni Mayor Oscar Moreno nga masiguro ang pag-atiman sa mga nataptan sa COVID 19 ug ma-isolate na sila sa facility ug mahaw-as sa ilang panimalay aron malikay ang pagtakod sa pamilya.
Ang gitrabahong wards sa JRBGH dugang lamang sa 1,200 rooms nga isolation facilities ug temporary treatment and monitoring facility nga una nang giplastar sa CDO LGU sukad pa sa nilabay’ng tuig.
 
Apan bisan pa niini, hugot pa gihapon ang hangyo sa mayor sa kooperasyon sa katawhan ug pagsunod sa minimum public health standards nga gilagda sa Department of Health aron malikay sa COVID. (ACM/CIO)