Wednesday, 25 March 2020 11:15

Case finding, contact tracing ug risk communication gihingusgan sa CHO

Written by

Text by Nica Borja

GIHINGUSAN karon sa City Health Office (CHO) ug mga field workers ang ilang bag-ong developments: case finding, contact tracing ug risk communication.

Sigun pa CHO Officer- in- Charge Dr. Lorraine Nery: “This is not only sa atong mga health workers nga lihok. Ang kadaugan ani dili madala sa kadaugan lang sa mga galihok ani nga atonb mga health workers apan ang kadaugan ani mogikan gyud sa katawhan.”

Ang case finding mao ang pasusi sa mga Persons Under Montinoring (PUM) diin giawhag ang mga Barangay Health Emergency Response Team nga mag-report diretso sa CHO kon adunay sila matumbok nga ga-develop og simtomas kalabot sa respiratory illness; samtang ang contact tracing mao ang pagtumbok sa mga nakauban sa mga Persons Under Investigation (PUI) nga kasamtangang na-admit sa Northern Mindanao Medical Center (NMMC).

Sa laing bahin, ang risk communication ang pagpasabot sa publiko kon unsa ang risgo ug unsa dapat buhaton para ma-address kini nga risgo.