Wednesday, 25 March 2020 11:07

RELIEF GOODS DISTRIBUTION UPDATE.

Written by

“I would like to inform you that we are now, preparing food assistance distribution in accordance to the Executive Order that was issued especially Executive Order No. 048 and No. 052,” kini ang mensahe ni City Social Welfare and Development (CSWD) Executive Overseer Michael Christopher Fabello nunot sa ayuda nga ipanghatag sa CSWD.

Matud ni Fabello ang walay madawatan nga ayuda gikan sa national agencies sama sa driver sa public utility jeepneys, taxis, public utility vans, public utility coasters, public utility buses, motorelas, trisikad, habal-habal; motorbike; scavengers; fishermen; farmers; street families; graduates sa NCII ug Community Improvement Division programs mao ang ilang prayoridad nga tabangan subay sa Executive Order no. 052 nga gipagawas ni Mayor Oscar Moreno.

Dugang ni Fabello ang Department of Labor and Employment na ang mo-atiman sa mga minimum wage workers lakip mga empleyado sa mga nagsirado nga mall samtang ang Department of Social Welfare and Development ang mohatag og cash assistance sa Pantawid Pamilyang Pilipino Program (4Ps) beneficiaries ug Unconditional Cash Transfer program beneficiaries.

Moagi sa cross-checking ang listahan sa mahatagan sa ayuda ug prayoridad nga mahatagan ang mga residente sa Cagayan de Oro tungod kay gikan man usab kini sa buwis sa katawhan.

Gitun-an usab sa CSWD ang ‘intensity’ sa ‘manpower’ sa plano nga ‘house-to-house distribution’ diin mokabat sa 21,548 ka household ang kwentada kon 5 ka miyembro matag household ang hatagan sa ayuda.

Ang relief goods nga gi-andam gibana-bana nga makatabang sa pamilya sulod sa 15 ka adlaw ug gilangkoban sa 15 kilos nga bugas; lima ka lata sa corned beef, beef loaf ug sardinas; ug 15 packs sa instant noodles.

Giklaro usab ni Fabello nga dili sila modawat og volunteer sa pag-repack sa tuyo nga malikayan ang pagkuyanap sa COVID-19.

Ang paghatag sa ayuda adunay koordinasyon tali sa CSWD ug sa mga barangay lakip ang Xavier University-Ateneo de Cagayan nga miboluntaryo mismo sa pagtabang sa pagapud-apud sa ayuda ug uban pang manggihatagong ‘individual’ ug mga kompanya.

Text by Nica Borja