Wednesday, 25 March 2020 16:00

923 PUMs natala sa syudad

Written by

NANAWAGAN ang kagamhanang local sa katawhan sa kooperasyon ug pagtuman sa pahimangno sa pagpuyo sa balay aron dili na modaghan pa ang ihap sa mga persons under monitoring (PUMs) ug persons under investigation (PUIs) sa syudad.

Base sa datus sa City Health Office (CHO) pinaagi sa monitoring ug surveillance sa Barangay Health Emergency Response Teams (Bherts), mokabat na sa 923 ka mga PUMs ang natala kagahapong adlawa, Marso 24 diin 593 niini ang padayon pang gipailawom sa 14 days quarantine.

Nag-una sa pinakadaghang PUMs ang Barangay Bugo nga adunay 71 ka PUMs, Brgy Macasandig ug Brgy Camaman-an nga adunay 59, Brgy Bulua — 56, Brgy Carmen ug Brgy Balulang nga adunay 51.

Subay niini, kanunay gipahimangnoan ni Mayor Oscar Moreno ug Dr Lorraine Nery, officer in charge sa CHO ang katawhan nga magpuyo sa balay tungod kay tanang barangay ning syudad ang adunay PUMs.

By Abigail Malalis//Photo by Jun Cañete