Tuesday, 09 June 2020 11:56

#ANINAGSeries: Clark Collin “Sarge” Tejada, SK Chairman of Barangay 14

Written by Oro Youth Development Council
Rate this item
(0 votes)

“Isip usa ka batan-on  ang ginabuhat namo  aron makatabang sa pagsugpo sa COVID-19 kay makanunayon kami ga patuo sa mga giya ug derektiba nga ginapatuman sa Department of Health  ug sa atong nasyonal ug lokal na panggamhanan sama sa pag sul-ob ug facemask, social distancing, ug ayha ra maggawas sa balay kung adunay importante ug opisyal na pagabuhaton. Nag participar pud kami sa pag ronda kada gabii para ma mentenar ang kahusay ug kalinaw sa among barangay ug mapugngan ang mga tao nga galatagaw sa panahon sa curfew, aron pud malikayan nato ang pagkaylap sa COVID-19. Matag semana pud gahimo kami pag disinfect sa among mga kadalanan sa among barangay  aron pud nga mahalikay nga ma contaminate kung aduna man galing mga viruses nga mitapot sa atong kadalanan. 

 

Ang kalabutan isip usa ka kabatan-onan sa panahon sa krisis kay dapat mao una mag subay sa bisan unsa nga mga balaod, derektiba, ug giya nga gipatuman sa atong gobyerno. Makiglambigit sa mga boluntaryong aktibidades sama sa pagpamutos ug pagpanghatag sa relief goods, pagkuha ug data sa mga kabalayan, ug sa mga buluhaton nga gikinahanglan ang atong partisipasyon. Importante nga makiglambigit jud ang mga kabatan-onan sa panahon sa krisis kay gakinahanglan kaayo ang atong kusog ug dedikasyon. Sayud kita nga ang mga kabatan-onan karon anaa sa himsog pa ang resistensya ug daghan nga mga trabahonon ang pwede nato mahimo.”

 

#NagkahiusaBatokCOVID19

#OroYouth

Read 541 times Last modified on Tuesday, 09 June 2020 11:57