Wednesday, 26 August 2020 16:31

Unang batch sa mga priso nga gipaubos sa RT-PCR testing, negatibo sa virus

Written by CDO COVID19 Response Team
Unang batch sa mga priso nga gipaubos sa RT-PCR testing, negatibo sa virus Photo by Nic Anches

GIKONPIRMA ni City Mayor Oscar S. Moreno nga negatibo sa coronavirus disease (COVID-19) ang 65 ka mga persons deprived of liberty kon PDLs ning syudad human gipaubos sa confirmatory real time reverse transcriptase polymerase chain reaction (RT PCR) testing niadtong Agosto 20 ning tuig.

Sigun pa ni Mayor Moreno ang nasangpit nga mga PDLs mao ang unang batch sa gipaubos sa libre nga RT-PCR testing.

Laing 61 pa ka mga PDLs ang gipaubos sa swabbing ug gihulat na lamang ang resulta.

Sa tuyo nga ma-decongest ang mga selda aron malikayan ang pagtinakdanay sa sakit, ang maong mga PDLs temporaryong gipahimutang sa 3-storey building sa Bureau of Jail Management and Penology sa Barangay Lumbia gikan sa mga mini-detention cells sa police stations ning syudad ug sa Maharlika detention center.

Kahinumduman una nang gibutyag ni acting city health officer Dr. Lorraine Nery, nangulo sa COVID-19 Emergency Operations Center ning syudad nga hinay-hinay o’ by batch ang ilang pag-transfer sa mga PDLs ngadto sa BJMP ug ipaubos usab sa RT-PCR test aron pagsiguro nga luwas sa virus ang mga PDLs