Wednesday, 17 June 2020 13:30

Stories from the Frontline: Lorence, 16

Written by CDO COVID19 Response Team
Lorence Montilla, 16, street dweller Lorence Montilla, 16, street dweller
“Ang among problema karon kay ang pagkaon, among pamaagi ra g’yud na makakaon sukad sa una kay manglimos mi sa mga ate ug kuya dapit sa Xavier, pero karon lisod na kaayo kay wa nay tao kaayo molabay dapit sa amoa tungod aning COVID-19.
 
“Bawal napod mi magbanig sa Divisoria kay tungod aning curfew busa kung naay police mo sita sa amoa, manghawa nalang mi pero kung mohawa na sila mobalik rapod mi kay wala mi lain mapuy-an. Karon nagbalhin nalang mi sa ilalum sa tulay kay wala may police monaug diri. Trese mi kabuok ug gaamot-amot mi para sa sud-an ug makaon pero lisud pod lagi kay minus pod ilang malimos na pagkaon, alangan naman pod na ako ra usa magkaona na lain pod baya dapat g’yud mi magtinabanga.
 
“Mas hadlok ko magutom kaysa ma-virusan mi kay kanang magsakit ma-ulian raman na, pero kung magutom mi di mi ka pangita og kwarta para mabuhi.”