Monday, 30 March 2020 19:52

6 positibo sa COVID-19 natala sa Cagayan de Oro

Written by RBarraquias

Unom (6) ka tao na ang nagpositibo sa COVID-19 dinhe sa siyudad sa Cagayan de Oro sumala sa report sa gipahigayong press conference sa Mayor’s Office, Lunes, Marso 30.

 

Matud ni Dr. Jose Chan, director sa Northern Mindanao Medical Center, sulod sa duha ka bulan, aduna na’y 54 ka pasyente ang gi-proseso sa ospital mahitungod sa virus. “Gikuha-an na sila og mga swab test og naa na’y resulta gikan sa Research Institute of Tropical Medicine (RITM),” matud ni Chan.

 

Niining 54, 6 ang nagpositibo, 32 ang nag negatibo samtang gapaabut pa ang uban sa resulta.